Ystambul saıabaǵyna Mustafa Óztúriktiń esimi berildi.
Jańa nysan Qazaqstan Táýelsizdiginiń 30 jyldyǵyna oraılastyrylǵan Dúnıejúzi qazaqtarynyń kishi quryltaıy aıasynda ashyldy, dep habarlaıdy Almaty-akshamy.kz Qazaqtv.com saıtyna silteme jasap.
Saıabaq qandastarymyzdyń eń kóp shoǵyrlanǵan Baǵjylar aýdanynda ornalasqan.
Shara barysynda Qazaqstanda jáne Túrkıada taekvondony damytqan Mustafa Óztúriktiń ómiri jaıly baıandalyp, sportshynyń súıetin ánderinen quralǵan sahnalyq qoıylym boldy. Sondaı-aq jas taekvondoshylardyń sporttyq sheberligi kórsetildi.
Qazaqstannyń Ystambuldaǵy bas konsýly Álim Baıel qazaqtyń batyry týraly pikirin bildirdi.
«Ol kisi el-jurtyna qyzmet etý úshin Qazaqstan azattyq alǵanda eline oralǵan edi. «Men álemdi kórdim. Sosyn elimdi kórdim. Nesin aıtaıyn, aıyrmashylyq úlken. Sondyqtan elime, jurtyma qyzmet etý úshin Qazaqstanda qaldym», - degen sózinen-aq ultqa degen úlken mahabbatyn baıqaýǵa bolady.
Mustafa Óztúriktiń qyzy Neslıhan Óztúrik ákesine bildirilgen qurmetke rızashylyǵyn aıtty.
«Saıabaqtyń kire berisindegi ákemniń esimin oqyǵanda kóńilim bosap ketti. Ákem de, men de osynda týyp-óstik. Ystambuldaǵy qazaqtardyń basym bóligi de osy joldan ótedi. Ákemniń esimi Gúneshlıde máńgilik saqtalatynyna qatty qýanyshtymyn. Uıymdastyrýshylarǵa alǵysymdy aıtamyn», - dedi ol.