Dástúrli dodanyń maqsaty – elimizdegi múmkindigi shekteýli adamdar arasynda salaýatty ómir saltyn nasıhattaý.
24 qyrkúıek pen 5 qazan aralyǵynda tirek-qımyl apparaty zaqymdanǵan jáne kórý qabileti nashar sportshylar arasynda elimizdiń VI Spartakıadasy aıasynda paralımpıadalyq sport túrlerinen jarystar ótedi, dep habarlaıdy Almaty-akshamy.kz QR Mádenıet jáne sport mınıstrliginiń baspasóz qyzmetine silteme jasap.
Jalpy qımyl apparaty zaqymdanǵan jáne kórý qabileti nashar sportshylar arasynda Qazaqstannyń VI Spartakıadasyn Nur-Sultan, Almaty jáne Shymkent qalasy qabyldaıdy. Nur-Sultan men Almatyda paralımpıadalyq, al Shymkentte paraalımpıadalyq emes sport túrlerinen báseke ótedi.
Bıylǵy spartakıadada 14 sport túri boıynsha elimizdiń 14 oblysynan jáne respýblıkalyq mańyzy bar 3 qaladan kelgen 1700-den astam sportshy baq synaıdy.