Túrkıa óz ǵaryshkerin Halyqaralyq ǵarysh stansıasyna attandyrady.
Respýblıkanyń 100 jyldyq mereıtoıyna arnalǵan aıtýly shara qarasha aıyna josparlanǵan, dep habarlaıdy Almaty-akshamy.kz 24.kz-ke silteme jasap.
Bul týraly Túrkıa ǵarysh agenttiginiń basshysy Serdar Hýseın Iyldyrym habarlady. El tarıhyndaǵy tuńǵysh túrik ǵaryshkeri 36 myń úmitkerdiń arasynan iriktelip alyndy. Qazir bir er kisi men áıel tańdaldy. Qos kandıdat AQSH, Eýropa men Japonıadaǵy ǵarysh salasynyń ozyq tehnologıalarymen tanysyp, arnaıy sabaq alady. 2021 jyly Túrkıa prezıdenti ǵaryshkerlerdi oqytýmen qatar Aıǵa óz zymyrandaryn jiberýdi qamtıtyn ulttyq baǵdarlamasyn jarıalaǵan edi. Ankara bul jobaǵa shamamen 6 mıllıard dollar jumsamaq.
«Aldymyzdaǵy kezeńde turǵyndardyń jappaı 5G tehnologıasyn paıdalanýyn qamtamasyz etetin ınfraqurylymdy quryp, 6G tehnologıasyna daıyndyqty bastaımyz. Álemdegi eń úlken 10 spýtnık operatorynyń birine aınalǵan Túrkıanyń ǵaryshtaǵy qýatyn odan ári arttyramyz. Elimizdi mańyzdy tehnologıalar naryǵyna emes, óndirýshige aınaldyratyn Ulttyq tehnologıalyq ustanymyzdy jalǵastyramyz», - deıdi Túrkıa Prezıdenti Redjep Taııp Erdoǵan.