Saýd Arabıasynda álemdegi eń úlken Quran men azan jarysy ótti.
Saýd Arabıasynda ótken Quran oqý jáne azan aıtý jarysynda jergilikti jáne ırandyq qarı birinshi oryn aldy. Bul týraly Almaty-akshamy.kz Al Arabiya-ǵa silteme jasap habarlaıdy.
Atap aıtqanda, quran oqý saıysynda ırandyq qatysýshy Iýnýs Shahmýrodı birinshi oryn alyp, 800 myń dollar (357 223 600 tg) júldesin jeńip alsa, Saýd Arabıasynyń ókili Abdýlazız ál-Fakıh ekinshi oryndy ıelendi. Oǵan 500 000 dollar (223 264 750 tg) berildi.
Azan saıysynda Saýd Arabıasynyń ókili Muhammed Ash-SHarıf jeńiske jetip, 500 myń dollar utty. Indonezıadan kelgen talapker Dıaddın bın Nızorıddın ekinshi oryn aldy, oǵan 267 myń dollar (119 223 376 tg) berilgen.
Jeńimpazdarǵa júldelerdi Saýd Arabıasy Bas oıyn-saýyq basqarmasynyń tóraǵasy Týrkı ál-SHeıh tabys etti.
SPA málimetinshe, jarystyń jalpy júlde qory 3 mıllıon dollardy quraǵan.
Bul jarys eń úlken quran oqý jáne azan aıtý jarysy retinde Gınnestiń rekordtar kitabyna engen.