Qazaqstandyq Túrkıa Túlekteriniń kezekti kezdesýi bıyl Almaty qalasynda ótti.
Atalǵan is-sharaǵa Túrkıanyń Qazaqstandaǵy Elshisi Mýstafa Kapýdjý, Túrkıanyń Almaty qalasyndaǵy Bas konsýly Evren Mýderrısoglý, Qazaqstan jáne Túrkıanyń memlekettik qyzmetkerleri, kásipkerler jáne 300 jýyq Túrkıa túlegi qatysty, dep habarlaıdy Almaty-akshamy.kz7
Qazirgi kezde elimizde 7 myńnan astam Túrkıa joǵary oqý oryndarynda bilim alǵan túlek ár salada tabysty eńbek etip júr. «Túrkıa túlekteriniń Altyn kitaby» jobasy aıasynda óz salasynda erekshe jetistikke qol jetkizgen túlekter marapattaldy. Nomınasıalar bilim jáne ǵylym, sport, medısına, jýrnalısıka, memlekettik qyzmet, kásipkerlik, mádenıet jáne óner, qoǵamdyq jumystar sıaqty salalar boıynsha berildi. Memlekettik qyzmet salasynda jetken jetistikteri úshin QR SİM qarasty «Otandastar Qorynyń» prezıdenti Abzal Saparbekuly, Mádenıet jáne óner salasynda jetken jetistikteri úshin QR Parlamenti Senatynyń depýtaty Qydyráli Darhan, Bilim jáne ǵylym salasynda jetken jetistikteri úshin Qoja Ahmet Iasaýı atyndaǵy Halyqaralyq qazaq-túrik ýnıversıtetiniń rektory Temirbekova Janar, Kásipkerlik salasynda jetken jetistikteri úshin Turabaev Qýanysh, Erekshe qoǵamdyq belsendiligi úshin Shyrynbaev Marat, Jýrnalısıka salasynda jetken jetistikteri úshin 31 arnanyń Informburo aqparattyq baǵdarlamalar departamentiniń dırektory Júnisov Erjan, Densaýlyq saqtaý salasynda jetken jetistikteri úshin Orhun Medical Center Bas dárigeri Syıkymbaev Aıdos, Sport salasynda jetken jetistikteri úshin “Deshti Qypshaq” dástúrli sadaq atý federasıasynyń Vıse-prezıdenti Týrýspekov Bahtıar Túrkıa Túlekteriniń «Altyn kitabyna» endi.
Qazaqstandyq túlekter arasynda alǵash ret uıymdastyrylǵan biregeı joba budan bylaı jyl saıyn ótkiziledi. Sonymen qatar, Túrkıaǵa ushaq bıletteri oınatyldy.