Ótinish qabyldaý 25 qazan – 10 qarasha aralyǵynda Ulttyq testileý ortalyǵynyń app.testcenter.kz saıtynda júrgizildi.
Búgin bastalǵan synaq 2 jeltoqsanǵa deıin jalǵasady, dep habarlaıdy Almaty-akshamy.kz
Doktorantýraǵa túsý emtıhandaryna 1060 adam qatysady.
"Túsý emtıhanyna esse jazý, doktorantýraǵa daıyndyq testi jáne bilim berý baǵdarlamasy tobynyń beıini boıynsha emtıhan kiredi.
Jalpy, túsý emtıhanynyń eń joǵary kórsetkishi 100 bal, onyń ishinde áńgimelesý – 20 bal, esse – 10 bal, doktorantýrada oqýǵa daıyndyǵyn anyqtaýǵa arnalǵan test – 30 bal, beıini boıynsha emtıhan suraqtary – 40 baldy quraıdy.
Al memlekettik bilim berý tapsyrysy boıynsha konkýrsqa qatysý úshin jáne aqyly negizde doktorantýraǵa túsý úshin shekti bal 75 baldy quraıdy", – dep atap ótti Ulttyq testileý ortalyǵynyń dırektory Rýslan Emelbaev.
Atap ótsek, 2022 jyldan bastap doktorantýraǵa túsý úshin shet tilin meńgergendigi týraly sertıfıkattan bólek, QAZTEST júıesi boıynsha memlekettik tildi meńgergenin rastaıtyn sertıfıkatty usyný qajet.
Túsý emtıhanynyń nátıjeleri ony ótkizgennen keıin kelesi kúni jarıalanady. Ony jeke kabınette kórýge bolady. Doktorantýraǵa túsetin azamattarǵa 700-den astam grant bólingen.