Qujat Ashyq NQA portalynda jarıalandy.
Ol 11 jeltoqsanǵa deıin talqylanady, dep habarlaıdy Almaty-akshamy.kz
Qazaqstanda jeke sáıkestendirý nómirin (JSN) alý tártibin ózgertý josparlanýda.
İshki ister mınıstrligi "Qazaqstan Respýblıkasynda ýaqytsha bolatyn sheteldikter men azamattyǵy joq adamdarǵa jeke sáıkestendirý nómirin jasaý jáne túzetý" memlekettik qyzmetin kórsetý qaǵıdalaryn bekitý týraly" buıryǵyn talqylaýǵa shyǵardy.
Mınıstrlik bastamashy bolǵan jańa erejege sáıkes, sheteldikter elektrondy úkimet portaly arqyly JSN ala almaıdy. JSN alý úshin turǵylyqty jeri boıynsha Halyqqa qyzmet kórsetý ortalyǵyna ózi kelip, ótinish berýi qajet.
Kórsetiletin qyzmetti alýshy:
kórsetiletin qyzmetti alýshynyń jeke basyn sáıkestendirý;
qujattarda kórsetilgen málimetterdiń durystyǵyn tekserý;
Halyqqa qyzmet kórsetý ortalyǵynyń ıntegrasıalanǵan aqparattyq júıesinde (IIJ) ótinishti toltyrý.
"Qazaqstan Respýblıkasynyń soty bas bostandyǵynan aıyrýǵa sottalǵan sheteldikterdiń, azamattyǵy joq adamdardyń jáne turaqty emes mártebesi bar adamdardyń jeke basyn kýálandyratyn qujattary bolmaǵan jaǵdaıda, memlekettik qyzmetti alý úshin osy qaǵıdalarǵa sáıkes ótinish negiz bolyp tabylady", - delingen qujatta.
Sheteldik Halyqqa qyzmet kórsetý ortalyǵyna qujattardyń tolyq emes toptamasyn nemese qoldanylý merzimi ótip ketken qujattardy usynǵan jaǵdaıda, oǵan qujattardy qabyldaýdan bas tartylady jáne oǵan memlekettik qyzmetti kórsetýden bas tartý týraly qolhat beriledi.
Eske sala keteıik, eski ereje boıynsha sheteldikter JSN-di halyqqa qyzmet kórsetý ortalyqtarynda, ekinshi deńgeıli bankterde nemese Qazaqstan Respýblıkasynyń azamaty bolyp tabylatyn resmı ókiliniń kómegimen elektrondy úkimet portaly arqyly ala alady.
İshki ister mınıstrliginiń jańa buıryǵy "Ashyq zańdy tulǵalar" portalynda ornalastyrylǵan. Ol 11 jeltoqsanǵa deıin talqylanady.