Almatyda Qazaqstandaǵy Túrkıa Túlekteri Qaýymdastyǵynyń uıymdastyrýymen «Túrkıa Túlekteri Kezdesýi – Almaty 2024» is-sharasy ótti. Jıynǵa Túrkıada ár jyldary bilim alǵan qazaqstandyq túlekter qatysty.
İs-sharaǵa Túrkıa Respýblıkasynyń Qazaqstandaǵy Elshisi Mustafa Kapýdjý, Túrkıanyń sheteldegi túrikter jáne týystas qaýymdastyqtar basqarmasynyń (YTB) basshysy Abdýllah Eren, Almatydaǵy Bas konsýly Evren Múderrısoǵlý arnaıy kelip, sóz sóıledi.
Spıkerler Qazaqstannan barǵan stýdentterdiń bilimge qushtarlyǵy men tabandylyǵyn erekshe atap ótip, olardyń eki el arasyndaǵy baýyrlastyqty nyǵaıtýǵa qosqan úlesin joǵary baǵalady. Sondaı-aq, bul is-sharanyń Qazaqstan men Túrkıa túlekteri arasyndaǵy baılanysty kúsheıtip, eki eldiń dostyq qarym-qatynasyn odan ári damytýǵa zor yqpal etetinin jetkizdi.
Kezdesý túlekter úshin tájirıbe almasyp, ortaq jobalardy talqylaýǵa múmkindik bergen mańyzdy alań boldy.