Almaty qalasy Bilim basqarmasynyń Qalalyq bilim berýdegi jańa tehnologıalardyń ǵylymı-ádistemelik ortalyǵy Bonduelle Kazakhstan kompanıasymen birlesip, durys tamaqtanýǵa arnalǵan «Dám týraly talas / O vkýsah sporát» atty jańa áleýmettik jobany iske qosty.
Osy joba sheńberinde Almaty mektepteri «Kókónis aıyn» ótkizýde. Onyń maqsaty – balalarǵa durys tamaqtaný ádetterin jáne kókónisterdiń paıdasy týraly aıtý. Bastaýysh synyp oqýshylary durys tamaqtaný týraly kóptegen qyzyqty tapsyrmalardy oryndaý arqyly kókónisterdiń dámin, qajettiligin, tıimdiligin biledi.
Iá, bastaýysh synyp oqýshylarynyń densaýlyǵyn nyǵaıtýǵa yqpaly mol joba sheńberinde qaladaǵy №52 jalpy bilim beretin mekteptiń 3-synyp oqýshylaryna biregeı sabaq ótkizildi. Sabaqta oqýshylar kókónisterdiń adam aǵzasyna paıdasy týraly jan-jaqty tanysyp, bilimderin bekitti. «Dám týraly talas / O vkýsah sporát» joba úılestirýshileri is-sharaǵa qatysyp, oqýshylarǵa estelik syılaqtar berip, belsendilik tanytqan órenderge “Maqtaý qaǵazymen” marapattady.