Túrkıada birden birneshe qalada jer silkinisi boldy
Túrkıada jergilikti ýaqyt boıynsha tańǵy saǵat 4:08-de Rıhter shkalasy boıynsha magnıtýdasy 5,9 baldyq jer silkinisi boldy. Jerasty dúmpýleriniń epısentri – Túrkıanyń soltústik-batysynda sol provınsıanyń Dúzdje qalasynda boldy, dep habarlaıdy Almaty-akshamy.kz inform.kz silteme jasap.
Bul aımaq Ankaradan batysqa qaraı 240 shaqyrym jáne Ystanbuldan shyǵysqa qaraı 228 shaqyrym jerde ornalasqan.
Jer silkinisi Ankara men Ystanbulda, sondaı-aq eldiń birneshe qalasynda qatty sezildi.
Túrkıa Úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasy (AFAD) habarlaǵandaı, 18 aftershok tirkelgen, al jerasty dúmpýleri 6,5 shaqyrym tereńdikte ornalasqan. Aımaqta tekseris júrgiziledi.
Dúzdje qalasynyń meri Farýk Ozlýnyń málimetinshe, aldyn ala aqparat boıynsha jer silkinisi saldarynan zardap shekkender joq.
«Joıqyn jer silkinisi boldy. Olar bizge qatty sezildi. Kóptegen turǵyn kóshelerge qashyp shyqqan. Qazir barlyq jerde elektr qýaty óship qaldy. Jer silkinisiniń basqa da saldarlary anyqtalýda», - dep qosty F.Ozlý.
Alaıda Túrkıa Densaýlyq saqtaý mınıstrliginiń málimetinshe, jer silkinisi saldarynan 22 adam zardap shekken. Bıikten sekirip ketken bir naýqastyń jaǵdaıy aýyr.