Logıstıka salasyna salynǵan ınvestısıa 1 trıllıon teńgeden asty
Osy jyldyń qańtar-qazan aılarynda qoıma jáne kólik salasyna salynǵan ınvestısıalar 1,1 trln teńgeni qurady. Bul ótken jyldyń sáıkes kezeńimen salystyrǵanda qundyq mánde 11,6%-ǵa artyq (naqty kólemniń ósimi 8,5%-ǵa kóp), dep habarlaıdy Almaty-akshamy.kz QazAqparatqa silteme jasap.
2021 jyldyń uqsas kezeńinde sektorǵa salynǵan ınvestısıa 978 mlrd teńgeni quraǵan bolatyn. Bir jylda 1,9%-ǵa artqan.
Óńirlik bóliniste kólik-logıstıka sektoryndaǵy ınvestısıalardyń eń kóp kólemi – Almatyda. Onda kórsetkish – 155,2 mlrd teńge, jyldyq ósim qundyq mánde birden 45,2%-ǵa kóbeıgen. Kóshbasshylar úshtigine Atyraý (149,5 mlrd teńge, jyldyq ósim 2,9 ese kóp) jáne Almaty (111,6 mlrd teńge, jyldyq ósim 24,6%-ǵa az) oblystary da kirdi.
Saladaǵy ınvestısıalardyń aıtarlyqtaı ósimi Atyraý oblysynda tirkeldi.
Sektordaǵy eń kóp kólemdegi ınvestısıa kásiporyndardyń óz qarajaty esebinen qamtamasyz etildi. Kórsetkish 614,7 mlrd teńgeni nemese 56,3%-dy quraıdy.
Respýblıkalyq búdjet qarajaty esebinen ınvestısıalar 223,3 mlrd teńgeni (bir jylda 22%-ǵa kóp), jergilikti búdjet qarajaty esebinen 114,9 mlrd teńgeni (bir jylda 9,3%-ǵa az) qurady. Banktik emes qaryz qarajaty 50,1%-ǵa, ıaǵnı 102,1 mlrd teńgege deıin qysqardy. Banktik qaryzdar, kerisinshe, 3,1 esege, 36,4 mlrd teńgege deıin ulǵaıdy.