«Qazaqstan Respýblıkasynyń saılanǵan Prezıdenti Qasym-Jomart Toqaevtyń ant berý kúni 2022 jylǵy 26 qarasha bolyp aıqyndaldy», - dedi QR Ortalyq saılaý komısıasynyń otyrysynda komısıa tóraǵasy Nurlan Ábdirov.
Aıta keteıik, 20 qarashada elimizde kezekten tys prezıdent saılaýy ótti. Barlyq óńirde 10 033 ýchaske jumys istedi. Al shet memleketterdegi Qazaqstan ókildikteri janynda 68 ýchaske qurylǵan. Elimizdegi búkil saılaýshylardyń 69 paıyzy nemese 8 mln 282 myńnan astam adam óz tańdaýyn jasady.
20 qarashada ótken kezekten tys saılaý barysynda Qasym-Jomart Toqaevqa 6 mln 456 myń 392 saılaýshy nemese olardyń 81,31 paıyzy daýys berdi.
Sondyqtan búgin Ortalyq saılaý komısıasynyń otyrysynda halyq saılaǵan Qasym-Jomart Kemeluly Toqaevty Qazaqstan Respýblıkasynyń Prezıdenti retinde tirkedi jáne zańnamada belgilengen tártippen saılanǵan Memleket basshysyna tıisti kýálik tapsyrylatyn bolady.