Qujatty Senat depýtaty Amangeldi Nuǵmanov usyndy. Ol kelisimniń maqsaty túrki memleketteri uıymyna múshe memleketter arasyndaǵy tranzıttik-kóliktik áleýetti jáne saýda-ekonomıkalyq qatynastardy odan ári damytý bolyp tabylatynyn habarlady.
"Kelisim temir jol, sý jáne avtomobıl kóliginiń zamanaýı júıelerin damytýǵa, poıyzdardyń kedendik rásimderden ótýin jedeldetý úshin aldyn ala aqparat almasýdy qamtamasyz etýge, sondaı – aq júkterge qatysty sıfrlyq tehnologıalardy engizýge yqpal etedi", - dep atap ótti senator.
Zań halyqaralyq aralas tasymaldaý rásimderin jeńildetýge, sondaı-aq túrki memleketteri uıymyna múshe memleketter arasynda avtokólikpen, temir jol jáne teńiz kóligimen oryndalatyn júkterdi tasymaldaý kólemin ulǵaıtýǵa múmkindik beretini atap ótildi.