Ábilqaıyr Sqaqov densaýlyq saqtaý ardagerlerimen jáne sarapshylarymen júıeni damytý tetikterin talqylap, qaladaǵy medısınalyq uıymdardyń jumysymen tanysty, dep habarlaıdy almaty-akshamy.kz.
Basqarma tóraǵasy densaýlyq saqtaý sarapshylarymen jáne ardagerlerimen kezdesý barysynda 2024-2025 jyldarǵa arnalǵan Qordy damytýdyń perspektıvalyq josparyn tanystyrdy. Onda MÁMS turaqtylyǵyn qamtamasyz etý, halyqty júıege tartýdy kúsheıtý, medısınalyq qyzmetter monıtorıńi sapasyn arttyrý, sıfrlandyrý, azamattardyń habardar bolýyn jáne Qordyń ashyqtyq dárejesin kóterý, sondaı-aq ınstıtýsıonaldyq bastamalar boıynsha júıeli sharalar usynyldy.
Óz kezeginde sala sarapshylary dárigerlerdiń júktemesin eskerip, medısına qyzmetkerlerin kompúterlik jumystan bosatý boıynsha, jeke medısınalyq ortalyqtar bas tartatyn aýyr naýqastardy qabyldaýǵa májbúr bolǵan memlekettik aýrýhanalardy qoldaýǵa, jetkizýshiler arasynda qarajat bólý tásilderin qarastyrýǵa qatysty óz usynystaryn aıtty.
İzinshe qalanyń medısınalyq uıymdarynyń basshylarymen kezdesý ótti. Onda ýaqtyly qarjylandyrý jáne birlesip oryndaýshylarmen qarym-qatynas jaıy talqylandy.
«2024 jyly almatylyqtarǵa medısınalyq kómek kórsetýge 334,7 mlrd teńge bólindi, onyń ishinde MÁMS boıynsha – 159,6 mlrd teńge, TMKKK sheńberinde – 175,1 mlrd teńge. Jyl basynan beri tólem prosesterin avtomattandyrý boıynsha júrgizilip jatqan jumystardy jáne halyqqa úzdiksiz medısınalyq kómek kórsetý qajettiligin eskere otyryp, biz avanstaýdy jyldyq búdjettiń 30-dan 70%-ǵa deıin arttyrý jóninde buryn-sońdy bolmaǵan sheshim qabyldadyq. Qazir aqpan men naýryzdaǵy qyzmetterge aqy tóleý prosesi júrip jatyr», - dep atap ótti Ábilqaıyr Sqaqov.
Sondaı-aq, Qor basshysy medısınalyq kómek jetkizýshilerine Qorda aǵymdaǵy jyldyń naýryz aıynan bastap aýqymdy derekterdi jedel taldaý jáne basqarýshylyq sheshimderdi tıimdi qabyldaý úshin qurylǵan Sıtýasıalyq-taldamalyq ortalyǵynyń jumysyn kórsetti. Oǵan 18 derekqordyń 500-ge jýyq kórsetkishi 1000-nan astam dashbordta – jetkizýshiler men jasalǵan sharttar, kórsetilgen qyzmetter kólemi, monıtorıń qorytyndylary men shaǵymdar sany, tirkelgen halyq jáne MÁMS júıesimen qamtý deńgeıi týraly jáne t.b. kirdi. Sıtýasıalyq-taldamalyq ortalyǵynyń jumysy qarjylandyrý kezeńderi prosesteriniń ashyqtyǵyn qamtamasyz etýge, sondaı-aq tıimdi basqarý sheshimderin qabyldaýǵa múmkindik beredi.
Sonymen qatar kezdesýge qatysýshylar konsýltatıvtik-dıagnostıkalyq qyzmetterdi alý kezinde pasıenttiń baǵytyn talqylady. Taldaý kórsetkendeı olardyń kópshiligi birlesip oryndaıdy, al medısınalyq uıym óziniń tirkelgen halqyn jergilikti medısınalyq qyzmettermen qamtamasyz etýge tyrysýy kerek.
Kezdesýler barysynda Ábilqaıyr Sqaqov densaýlyq saqtaý júıesiniń barlyq qatysýshylary arasyndaǵy syndarly jáne tyǵyz dıalogtyń mańyzdylyǵyn atap ótti.
«Biz baǵytymyzdy ózgertemiz. Aıyptaýdan aýlaq bolyp, densaýlyq saqtaý júıesindegi prosesterdi jetildirýge múddeli seriktester retinde yntymaqtastyqty usynamyz», - dedi ol.
Shara barysynda Qor basshysy №5 qalalyq klınıkalyq aýrýhanaǵa bas suǵyp, medısınalyq uıymdar ishindegi menedjment máselelerine, pasıentterdi qoldaý qyzmetteriniń jumysyna jáne jalpy pasıenttermen keri baılanysqa erekshe nazar aýdardy. Sonymen qatar, Ábilqaıyr Sqaqov Qordyń ortalyq apparatynyń qyzmetkerlerine jergilikti jerlerdegi jaǵdaımen tanysý úshin «Dostar Med» kópsalaly medısınalyq ortalyǵyna barýdy tapsyrdy.
«MÁMS júıesine qatysatyn jeke klınıkalar pasıentter aldyndaǵy jaýapkershiliktiń joǵary deńgeıin bilýi tıis jáne bul medısınalyq qyzmetterdiń sapasy men qoljetimdiligin arttyrý arqyly ǵana qamtamasyz etilýi múmkin. Bul rette azamattarymyz medısınalyq qyzmetterdiń sapasyna eń obektıvti baǵa berýi tıis. Eger shaǵymdar bolmasa jáne bizdiń otandastarymyz kórsetilgen qyzmetterge qanaǵattansa, Qor tarapynan medısınalyq uıymdarǵa da másele bolmaıtynyn túsiný qajet», - dedi Sqaqov.
Búginde Almatyda Qormen 215 medısınalyq uıym jumys isteıdi, onyń 124-i jeke menshik.
Qor tóraǵasy jaqyn arada Qazaqstannyń basqa óńirlerine at basyn burady.