Byltyr quny 27 mlrd teńge bolatyn 28 ınfraqurylymdyq joba iske asyrylǵan. Bul týraly Úkimet otyrysynda baıandama jasaǵan Mádenıet jáne sport mınıstri Asqat Oralov málim etti, dep habarlaıdy Almaty-akshamy.kz.
«Elimizde týrısik ınfraqurylymdy damytý boıynsha jumystar jalǵasýda. Mysaly, ótken jyly quny 27 mlrd teńge bolatyn 28 ınfraqurylymdyq joba iske asyryldy. Osy jobalardyń ishinde Balqash kýrorttyq aımaǵynda ınjenerlik komýnıkasıalar salý, Aqtaý qalasynyń jyly jaǵajaıyna deıin avtokólik jolynyń qurylysy asa mańyzdy bolyp sanalady. Sonymen qatar, Úsharal jáne Úrjar áýejaılarynyń iske qosylýy mańyzdy oqıǵa boldy, bul áýe tasymaly múmkindikterin edáýir keńeıtti», - dedi mınıstr.
Onyń aıtýynsha, bıyl 439,3 mlrd teńgege 83 ınfraqurylymdyq joba iske asyp jatyr.
«Týrısik ınfraqurylymdy damytý problemasyn sheshý maqsatynda eldi mekenderden tys jerlerde jáne ulttyq parkter aýmaǵynda ákimdikterge tıisti quzyret berý boıynsha jumystar júrgizilýde», - dep toqtaldy Asqat Oralov.