Bul týraly Májilis depýtaty Elnur Beısenbaev aıtty, dep habarlaıdy Almaty-akshamy.kz.
«Jýrnalıserge qatysty bir shyndyqtyń betin ashyp alaıyq. Jańa ázirlengen zańnamanyń aıasynda BAQ ókilderin arnaıy bir turǵyn úı baǵdarlamasy arqyly kezekke qoıý, mártebe berýdi turǵyn úı týraly zańnamaǵa engize almaımyz. «Mass-medıa» týraly zań Parlamenttiń qaraýyna engennen keıin jýrnalıser depýtattardan áleýmettik máseleler boıynsha kóp nárse kútpeýi qajet», - dedi Elnur Beısenbaev Májiliste «Mass-medıa» týraly zań jobasyn talqylaý barysynda.
Sondaı-aq, halyq qalaýlysy atalǵan máseleni sheshý boıynsha óz usynysyn alǵa tartty.
«Mınıstrlik qazirden bastap «Otbasy bank» jáne ekinshi deńgeıli basqa da banktermen kelisim júrgizýi kerek. Turǵyn úı máselesin sheshýdiń joldaryn birlesip qarastyrǵan jón. Bizdi qazir qarap, tyńdap otyrǵan jýrnalıser oılamaýy qajet, biz olardy bir kúnde kategorıaǵa engizemiz dep. Óıtkeni, ár mamandyqty kategorıaǵa engizý múmkin emes. Búginde 650 myńnan astam azamat baspana kezeginde tur. Jyl saıyn turǵyn úı kezegine turatyn azamattardyń sany 40-50 myń aralyǵynda ósip otyrady. Sondyqtan bul másele «Mass-medıa» týraly zańnyń aıasynda sheshilmeıdi», - deıdi depýtat.