Úkimet otyrysynan keıin BAQ ókilderiniń saýalyna jaýap bergen Ekologıa jáne tabıǵı resýrstar mınıstri Zúlfıa Súleımenova óziniń otstavkasyna qatysty pikir bildirdi, dep habarlaıdy Almaty-akshamy.kz QazAqparatqa silteme jasap.
«Qazirgi tańda Bas Prokýratýra tergeý amaldaryn júrgizip jatyr. Eger onyń barysynda jumysyma qatysty saýaldar týyndaıtyn bolsa, onda ol úshin biz jaýapkershilikke tartylýǵa ázirmiz», - dep pikir bildirdi Zúlfıa Súleımenova.
Sonymen qosa vedomstvo basshysy Semeı ormanyndaǵy órtti jedel aýyzdyqtaýǵa kedergi bolǵan jaǵdaılarǵa da toqtaldy.
«Abaı oblysyndaǵy órt oqıǵasyna materıaldyq-tehnıkalyq bazanyń tómendigi de áser etti. Qazir qoldanystaǵy tehnıkalardy esepten shyǵarý qajet», - dep jaýap berdi mınıstr BAQ ókilderiniń saýalyna oraı.