«Taý-Ken Samuryq» ulttyq taý-ken kompanıasy men túrkıalyq D Mineral kompanıasy paıdaly qazbalardyń perspektıvaly oryndaryn anyqtaýǵa baılanysty mámilege qol qoıdy.
Endi eki tarap geologıalyq barlaýǵa lısenzıa alyp, birlesken kásiporyndy qurý jónindegi jospardy júzege asyrýǵa kirispek. Joba altyn ken oryndaryn izdestirýge baǵyttalady. Geologıalyq barlaý jumystaryna qarajat bólýdi túrkıalyq tarap óz jaýapkershilikterine alǵany belgili boldy, dep habarlaıdy Almaty-akshamy.kz
Ulysmedia.kz-tiń jazýynsha, D Mineral dırektorlar keńesi tóraǵasynyń orynbasary Ilhan Poırazdyń sózinshe, túrik ınvestorlary qazaqstandyq kompanıalarmen uzaqmerzimdi baılanys ornatýǵa daıyn.
Aıta keteıik, D Mineral Dimin Group (Túrkıa) holdıńiniń quramyna kiredi. Negizgi qyzmet baǵyty – temir keni men mys óndirisi.