26 sáýirde Almaty-2 stansıasynan «Salamatty Qazaqstan» poıyzy jolǵa shyǵyp, aǵymdaǵy jyldyń 6 jeltoqsanyna deıin qatynaıtyn bolady, dep habarlaıdy Almaty-akshamy.kz BAQ.KZ-ke silteme jasap.
Densaýlyq poıyzdary eń shalǵaıdaǵy stansıalardyń turǵyndaryna joǵary bilikti medısınalyq kómek alýǵa múmkindik beretini dástúrge aınaldy. Ótken jyldyń qorytyndysy boıynsha, 150-ge jýyq stansıanyń 80 649 turǵyny emdeý-konsýltasıalyq qyzmet ala aldy. Onyń ishinde 21 867 bala da bar. Bul rette 5 097 adamǵa shaǵyn otalar jasalyp, 26 587 adamǵa stomatologıalyq kómek kórsetildi. Sonymen qatar medısınalyq poıyz mamandary 59 balaǵa sırkýmsızıo (súndetteý) jasady. Medısınalyq poıyzdarda dárigerlik qabyldaýlar sany 389 388 jetti. Respýblıka boıynsha marshrýttyń jalpy uzyndyǵy 22 009 km qurady, - delingen «Qazaqstan temir joly» kompanıasynyń habarlamasynda.
Bıyl shalǵaıdaǵy stansıalar turǵyndary qaıtadan bilikti mamandardan: terapevt, stomatolog, oftalmolog, lor, hırýrg, ýrolog, mammolog, pedıatr jáne basqalardan tegin tekserýden jáne emdeýden ótýge múmkindik alady. Poıyz zamanaýı dıagnostıkalyq jáne emdik jabdyqtarmen, últradybystyq, flúorografıalyq apparatpen, shaǵyn operasıalyq bólmemen, zerthanamen, ınternetke symsyz qol jetkizýge arnalǵan baılanys quraldarymen jabdyqtalady.
Medpoıyzdyń qazirgi qozǵalys kestesi shalǵaıdaǵy stansıalarda medısınalyq pýnktterdiń joqtyǵyn eskere otyryp jáne azamattar men memlekettik organdardyń ótinishteri negizinde jasaldy.
«Medısınalyq poıyzdar» jobasy birneshe ret áleýmettik jaýapkershilik konkýrstarynyń jeńimpazy atandy.