Kógaldandyrý úshin óte úlken soma.
Qoǵamdyq keńes músheleri Almatyda ótken «Úzdik aýla - 2021» baıqaýy qalany kógaldandyrýǵa, turǵyndarda ekologıalyq mádenıetti qalyptastyrýǵa úles qosatynyn aıtty, dep habarlaıdy Almaty-akshamy.kz.
«Komısıa múshelerine baıqaý nátıjesin shyǵarý ońaı bolǵan joq. Jumystar birinen-biri ótedi. Tartysty boldy. Nátıjesinde bul aýla gran-prı jeńip aldy. Ákim 5 mıllıon tabys etti, bul kógaldandyrý úshin óte úlken soma, biraq bul jerde turatyn adamdar bul aýlany oazıske aınaldyrý úshin barlyǵyn jasady. Bul jumyla kótergen júktiń jeńil bolatynyn kórsetti, bireýden talap etpes buryn Qala úshin bir nárse jasaýǵa óziń daıyn bolý kerektigin aıqyndady», - dedi qalalyq Qoǵamdyq keńestiń múshesi Sergeı Ponomarev.
Jasyl ekonomıka basqarmasy aǵashtar otyrǵyzý, qalaǵa boıaý berý jumystarynda mundaı baıqaýlar óz tıimdiligin kórsetetinin alǵa tartty. Alda mundaı baıqaýlar jalǵasatyny, qalanyń jasyl ekonomıkasyn damytýǵa qoldaý jasalatyny aıtyldy.
«Mıllıon aǵash otyrǵyzý jobasy aıasynda búginde 400 000 aǵash otyrǵyzyldy. Bıyl 300 000-ǵa jýyq ósimdik otyrǵyzylady. Sondaı-aq, qalaǵa boıaý berý úshin gúl otyrǵyzý jumystary júrgizilýde», - dep atap ótti Jasyl ekonomıka basqarmasynyń qoǵamdyq nasıhat qyzmetiniń basshysy Álı Raıymbaev.
Eske salsaq, Almaty qalasynyń kúninde aýla aýmaǵyn úzdik kógaldandyrý baıqaýynyń qorytyndysy shyǵaryldy. Qazylar alqasy úzdik úsh jeńimpazdy jáne Gran-prı ıegerin anyqtady. Qala ákimi Baqytjan Saǵyntaev jeńimpazdarǵa 5 mln teńgeniń sertıfıkatyn tabys etti.