Myńdaǵan almatylyq baspanaly bolady.
Almaty týǵan kúnin toılaýda. Bul ár adam úshin erekshe kún. Pandemıaǵa qaramastan qala damyp keledi. Bul týraly qala ákimi Baqytjan Saǵyntaev feısbýktegi óziniń paraqshasynda jazdy, dep habarlaıdy Almaty-akshamy.kz.
Qala basshysy bıyl 2,6 mln sharshy metrden astam turǵyn úı paıdalanýǵa beriletinin, myńdaǵan almatylyq baspanaly bolatynyn jetkizdi.
«Almaty týǵan kúnin toılaýda. Bul ár adam úshin erekshe kún. Pandemıaǵa qaramastan qala damyp keledi. Bıyl 2,6 mln sharshy metrden astam turǵyn úı paıdalanýǵa beriledi. Myńdaǵan almatylyq baspanaly bolady. Olardyń ishinde 248 myńnan astam nemese 4926 páter halyqtyń áleýmettik osal tobyna beriledi. 1013 kópbalaly, tolyq emes jáne múgedek balalardy tárbıelep otyrǵan otbasylar turǵyn úıge ıe bolady. Jumys isteıtin jastar úshin 1050 jaldamaly páter qarastyrylǵan», - dedi ákim.
Budan ózge jastarǵa arnalǵan baǵdarlamalar men jeńildetilgen nesıe týraly da aıtyldy.
«Almaty jastary qalalyq baǵdarlamasy boıynsha - 1000 jeńildetilgen nesıe kózdelgen. Budan basqa jekelegen sanattar úshin «Shańyraq» baǵdarlamasy boıynsha bastapqy jarnany quıýǵa 1 mln teńgeden 2 myń turǵyn úı sertıfıkaty kózdelgen», - dep jazdy shahar basshysy.
Baqytjan Saǵyntaev sport alańdary jańartylatynyn, jańa bilim berý nysandary paıdalanýǵa beriletinin aıtty.
«Jyl sońyna deıin 16 myńǵa jýyq oqýshyny qamtıtyn 31 bilim berý nysanyn paıdalanýǵa beremiz. 61 mektep janyndaǵy sport alańdaryn jańartýdamyz. 10 jabyq sport kesheni salynýda», - dedi B.Saǵyntaev.
Megapolıs basshysy qalany kógaldandyrý jumystary barysyna da toqtaldy.
«Qalany kógaldandyrý baǵdarlamasy jalǵasýda. Osy jyldyń kókteminde 64 myń túp aǵash egiledi. Qazan aıynan bastap taǵy 350 myń aǵash otyrǵyzylady. 22 saıabaq pen skver jóndelip, jalpy aýdany 284 ga bolatyn 8 jańa saıabaq aımaǵynyń qurylysy bastaldy. Biz birge Almatyny ádemi, jaıly ári ásem etip kórkeıtemiz. Búgin ortaq ıgilik úshin eńbek etken árbir janǵa alǵys aıtqym keledi! Barshańyzdy merekemen quttyqtaımyn!», - dep jazdy qala basshysy.