Satyp alý belsendiligi Almaty qalasy men Qaraǵandy oblysynda joǵary.
2022 jylǵy mamyrda turǵyn úıdi satyp alý-satý boıynsha 30 500 mámile tirkeldi, sáýir aıymen (52 520) salystyrǵanda kórsetkish 41,9%-ǵa kemidi, dep habarlaıdy Almaty-akshamy.kz
Satyp alý belsendiligi Almaty qalasy men Qaraǵandy oblysynda joǵary, sáıkesinshe 4 395 pen 4 055 shart. Mámile sany eń az bolǵan óńir – Soltústik Qazaqstan oblysynyń úlesinde 630 shart. Qazaqstandyqtar kóp páterli úılerdegi turǵyn úılerdi kóbirek alady, mamyrda barlyǵy 21 078 mámile boldy. Kóp páterli úılerdegi bólmeler sany turǵysynan 2 bólmeli páterler áli de suranysqa ıe. Mamyrda 8 myń 2 bólmeli páter rásimdelse, 1 bólmeli odan bir myńǵa az. Jeke úıler boıynsha 9 422 mámile rásimdeldi.
Jeke úılerdi Almaty jáne Túrkistan oblystarynyń turǵyndary kóbirek alǵan. 2022 jylǵy mamyrda turǵyn úıdi satyp alý-satý mámileleriniń sany ótken jyldyń tıisti aıymen salystyrǵanda 36,9% kemidi. Turǵyn úı naryǵyndaǵy mámilelerdiń ótken jylǵy mamyrmen salystyrǵandaǵy eń kóp tómendeýi Mańǵystaý oblysynda tirkeldi – 64,6%.