124 dollardan asty.
Munaıdyń álemdik baǵasy ósip keledi. Buǵan saýda-sattyq derekteri dálel, dep habarlady Almaty-akshamy.kz QazAqparatqa silteme jasap.
Brent markaly munaıdyń tamyz fúchersteriniń baǵasy 0,39%-ǵa deıin, ıaǵnı barreline 124,07 dollarǵa deıin ósti. Shildedegi WTI fúchersteri 0,29%-ǵa, ıaǵnı 122,47 dollarǵa deıin qymbattady.
Investorlar AQSH-taǵy munaı qorynyń apta saıynǵy statısıkasyn baǵalaıdy.
Eldiń Energetıka mınıstrliginiń derekteri boıynsha munaıdyń strategıalyq rezervi ótken aptada 7,3 mıllıon barelge nemese 1,4 paıyzǵa azaıyp, 519,3 mıllıon bareldi qurady. Osylaısha, kórsetkish 1987 jyldyń naýryzdaǵy aptasynan beri eń tómengi deńgeıge jetti. Ol kezde eldiń strategıalyq munaı qory 518,9 mıllıon bareldi quraǵan bolatyn.
Sonymen qatar, AQSH-taǵy komersıalyq munaı qory (strategıalyq rezervti qospaǵanda) bir apta ishinde boljanǵan tómendeýdiń ornyna 2 mln barelge nemese 0,5%-ǵa ósip, 416,8 mln barelge jetti.
Eldegi eń iri Kýshıng (Cushing) termınalyndaǵy munaı qory bir apta ishinde 25 mıllıon barelden 23,4 mıllıonǵa deıin azaıdy.
AQSH-taǵy benzın qory 0,8 mln barelge (0,4% -ǵa), ıaǵnı 218,2 mln barelge deıin tómendedi. Sarapshylar 1,1 mıllıon barelge ósedi dep kútken edi.