Qazaqstandyqtar kóbinese Almaty, Shymkent jáne Nur-Sultan qalalaryna ushaqpen jetýdi qalaıdy.
2022 jyldyń alǵashqy tórt aıynda 2 mıllıon 600 myń adam dittegen jerine ushaqpen jetýdi jón kórgen, dep habarlaıdy Almaty-akshamy.kz Qazaqtv.com saıtyna silteme jasap.
Bul byltyrǵy kórsetkishten shamamen 3 jarym prosentke kóp. Buǵan qosa, koronavırýs pandemıasyna deıingi kezeńdegimen salystyrǵandaǵy ósim 20 prosentke teń.
Otandyq áýe kompanıalardyń jyl basynan bergi kiristeri 120 mıllıard teńgege jýyqtaǵan. Bul kórsetkishter qazaqstandyq áýe salasy qarqyndy damyp keletinin kórsetedi. Sonymen qatar, bizdiń áýe tasymaldaýshy kompanıalar Eýropa memleketterine esh shekteýsiz usha alatynyn aıta ketken jón.