31 tamyzdan bastap elde úlestik qatysýǵa qatysty jańa erejeler kúshine enedi, dep habarlaıdy aqshamnews.kz
Jyljymaıtyn múlik jónindegi sarapshy Nurmahan Aldanov Qazaqstanda qaıtalama turǵyn úı qymbattaıtynyn.
Qazaqstanda salynyp jatqan turǵyn úıdi satyp alýǵa degen qyzyǵýshylyq tómendeýi múmkin. Jańa zań bastapqy turǵyn úı naryǵyndaǵy mámilelerge qatań talaptar engizip, bankter arqyly baqylaý ornatady jáne «kóleńkeli» sqemalarǵa tyıym salady. Sarapshylardyń pikirinshe, munyń barlyǵy qysqa merzimde jańa úılerge degen suranysty azaıtyp, ekinshi naryqtaǵy páterlerdiń pozısıasyn kúsheıtedi.
- Bastapqy turǵyn úıge jasalatyn mámilelerdiń sany azaıady dep oılaımyn. Halyq salynyp jatqan úılerdi sırek satyp alyp, ekinshi naryqty kóbirek tańdaıtyn bolady. Bastapqy naryqtaǵy suranys tómendeıdi. Óıtkeni úlestik qatysý júıesi tolyqqandy iske qosylǵansha ýaqyt qajet bolady – júıe jumys istep, skorıng engizilgenshe birneshe aı ótýi múmkin. Sol sebepti alǵashqy naryq báseńsip, suranys daıyn turǵyn úılerge aýysady, – dedi jyljymaıtyn múlik jónindegi sarapshy Nurmahan Aldanov Digital Business basylymyna.
Al qurylys kompanıalary satyp alýshylaryn joǵaltpaý úshin baǵany tómendetip, jeńildikter usynyp, bólip tóleý júıelerin engize bastaıdy.
- Qazirdiń ózinde kóptegen kompanıa “kombo-paketter” usynýda: mysaly, 1 qyrkúıekke deıin úsh bólmeli páter satyp alsań qoıma syıǵa beriledi, al avtoturaqqa 50% jeńildik jasalady. Bul zań kúshine engenge deıin qarajat jınaý úshin jasalyp jatqan qadamdar (qaǵaz júzinde emes, naqty is júzinde), – dep túıindedi Nurmahan Aldanov.