Bul buıryq búginnen bastap qoldanysqa engiziledi, dep habarlaıdy aqshamnews.kz
Ǵylym jáne joǵary bilim mınıstriniń m.a 2025 jylǵy 20 tamyzdaǵy buıryǵymen QR azamattyǵyna qabyldaý nemese azamattyqty qalpyna keltirý kezinde memlekettik tildi bastapqy deńgeıde bilý, Konstıtýsıa negizderi men Qazaqstan tarıhy boıynsha bilim kólemine ózgerister engizildi.
Atap aıtqanda, azamattyqqa qabyldaý nemese azamattyqty qalpyna keltirý kezinde:
memlekettik tildi bastapqy deńgeıde bilý – keminde 15 bal;
QR Konstıtýsıasynyń negizderi – keminde 20 bal;
Qazaqstan tarıhy – keminde 15 bal bolýy tıis.
Burynǵy talap boıynsha memlekettik tildi bastapqy deńgeıde bilý – keminde 36 bal, al Konstıtýsıa negizderi – keminde 9 bal bolýy qajet bolǵan.