Zańǵa sáıkes, kondomınıým obektisin basqarýdyń jeke nysanyn engizý josparlanyp otyr.
Senat "Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly" zańdy qabyldady, dep habarlaıdy Almaty-akshamy.kz
Zańǵa sáıkes, kondomınıým obektisin basqarýdyń jeke nysanyn engizý josparlanyp otyr. Tikeleı birlesip basqarý tetigi páterler sany on altydan aspaıtyn turǵyn úıge qatysty qoldanylady. Jaı seriktestik qurý úshin de páterler sany qysqartylady. Ondaı basqarý júıesin otyz páterden aspaıtyn turǵyn úılerde qoldanýǵa bolady. Al qalǵan kóp páterli turǵyn úılerde menshik ıeleri birlestigi qurylýy shart.
Turǵyn úıdi basqarý boıynsha jalpy jınalystyń quzyreti de reglamentteledi. Sol jerde qaralatyn máseleler naqty kórsetiledi. Olar:
- úıdi kútip-ustaýǵa arnalǵan shyǵystardyń jyldyq smetasyn belgileý;
- jerasty turaq pen qoıma oryndaryn kútip-ustaý úshin aqy tóleý mólsherin bekitý;
- páterdiń, turǵyn emes úı-jaıdyń menshik ıesine kondomınıým obektisi ortaq múlkiniń bir bóligin múliktik jaldaýǵa (jalǵa alýǵa) berý týraly sheshim qabyldaý.
Zańda aýylda óz qyzmetkerleri úshin turǵyn úı salatyn jumys berýshilerdiń shyǵyndaryn sýbsıdıalaý tetigi qarastyrylǵan.
Senat engizgen ózgerister:
- eger páterdiń, turǵyn emes úı-jaıdyń menshik ıesi memleket qatysatyn uıym bolyp sanalsa, onda kondomınıým obektisin basqarýǵa jáne kondomınıým obektisiniń ortaq múlkin kútip-ustaýǵa arnalǵan shyǵystardy tóleý kezinde "Memlekettik satyp alý týraly" Qazaqstan Respýblıkasy zańynyń qoldanysy qoldanylmaıdy degen norma engiziledi;
- búdjet qarajatynyń qaıtarylýyn qamtamasyz etýdi eskere otyryp, tıisti hattamany resimdeý arqyly osy kireberis turǵyndarynyń sheshimi boıynsha kóppáterli turǵyn úı kireberisteriniń birindegi lıftini búdjet qarajaty esebinen aýystyrý men jóndeýdi uıymdastyrý jáne qarjylandyrý tetigi zańnamamen bekitiledi;
- kondomınıým obektisiniń ortaq múlkin jeke menshikke ıelikten shyǵarýǵa tyıym salynady;
- orynturaq oryndarynyń jáne qoımalardyń menshik ıeleriniń quqyqtary men mindetteri naqtylanady;
- kóp páterli turǵyn úı tirkelgen kúnnen bastap alty aı ishinde kóp páterli turǵyn úıdiń tapsyrys berýshisiniń (qurylys salýshysynyń) kóp páterli turǵyn úıdiń syrtqy ınjenerlik jelileri men qurylystaryn komýnaldyq menshikke óteýsiz berýdi qamtamasyz etý mindeti reglamentteledi.