Qazaqstan men Eýropalyq Odaq qatynasyna - 30 jyl.
Basylymnyń jańa nómiri osyǵan oraılastyryldy. 102 betten turatyn jýrnaldyń jańa sany Brússelde kópshilikke tanystyryldy, dep habarlaıdy Almaty-akshamy.kz.
«Dıplomatıalyq álem» jýrnalynda Prezıdent Toqaevtyń byltyr Astanada Eýropalyq keńestiń tóraǵasy Sharl Mıshelmen kezdesýi, Eýropalyq Odaqtyń syrtqy ister jáne qaýipsizdik saıasaty jónindegi joǵarǵy ókili Jozep Borreldiń Qazaqstan jaıly suhbaty jáne Rım Papasy Fransısktiń elordaǵa sapary týraly keńinen jazylǵan. Sheteldik jýrnalıser Qazaqstandaǵy saıası-áleýmettik reformalar men elge syrttan ınvestısıa tartýǵa basymdyq berilgeni týraly da keńinen toqtalǵan. Sondaı-aq, basylym betterinde elimizdiń kórikti jerleri jaıly mol maǵlumat keltirilgen.
«Bul jýrnal Eýropalyq parlamentke, eýropalyq komısıaǵa, barlyq elshilik pen bıznes ókilderine, shetelderge taratylady. Qazirgideı qıyn kezeńde Eýropa elderi resýrsqa, metaldarǵa zárý. Al onyń bári Qazaqstanda bar. Osy jýrnalda Qazaqstan men EýroOdaq qatynasynyń mańyzdy tustaryn jarıa etýge tyrystyq», - deıdi «Dıplomatıalyq álem» jýrnalynyń prezıdenti Barbara Dıtrıh.