Kredıtter naryǵy zerdelenip, sonyń nátıjesinde qosymsha talaptar engiziledi.
Bul týraly Qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanov málimdedi, dep habarlaıdy Almaty-akshamy.kz
Bıyl Agenttik tutynýshylyq kredıtter naryǵyn taǵy bir zerdelep shyǵady. Sonyń nátıjesinde qosymsha talaptar engiziledi.
"Sonyń ishinde syıaqy mólsherlemesin shekteý sharalary da bar. Odan keıin mıkroqarjy men kolektorlyq uıymdardy retteý jaǵy da kúsheıtiledi", - dedi Ábdirahmanov Senat otyrysynda.
Onyń aıtýynsha, sońǵy eki jyldyń ishinde 28 mıkroqarjy uıymy men 37 kolektorlyq agenttiktiń qyzmeti toqtatyldy.
"Bıyl mıkroqarjy uıymdary boıynsha onlaın kredıt berý máselesine basa nazar aýdarylady. Bur rette kredıt berý talaptary ǵana emes, qaryz alatyn adamdardyń ıdentıfıkasıasyna qatysty talaptar da kúsheıtiledi. Negizgi maqsat – alaıaqtyq jolmen kredıt berý faktilerine jol bermeý", - dep atap kórsetti Ábdirahmanov.