QR Ónerkásip jáne qurylys mınıstri Qanat Sharlapaev Parlament Májilisiniń plenarlyq otyrysyndaǵy baıandamasynda aıtyp ótkendeı, aǵymdaǵy jyldyń 1 tamyzynan bastap qazirgi ýaqytqa deıin turǵyn úı kezeginen 21 607 azamat alyndy.
Turǵyn úı saıasatyn reformalaý jónindegi zań jobasy sheńberinde kezekte turǵandarǵa toqsanyna keminde bir ret túgendeý júrgizý boıynsha usynystar kózdelgen. Búgingi tańda ákimdikter bul jumysty jylyna bir ret qana júrgizedi, dep habarlaıdy Almaty-akshamy.kz QR Ónerkásip jáne qurylys mınıstrligine silteme jasap.
Ónerkásip jáne qurylys mınıstrligi sıfrlyq damý, ınovasıalar jáne aeroǵarysh ónerkásibi mınıstrligimen birlesip, kezekte turǵandardyń qoldanystaǵy bazasyna zańnama talaptaryna sáıkestigi turǵysynan taldaý júrgizdi.
Aldyn ala derekter boıynsha 646 myń azamattyń 232 myńy esepten shyǵarylýǵa jatady.
Anyqtama:
Sońǵy 5 jylda 96,1 myń turǵyn úıli boldy;
533-QR azamattyǵy joq;
91,4 myń – tirkeý orny (tirkelý) kezekte turǵan óńirmen sáıkes kelmeıdi;
29 myń - tirkeýsiz;
15,6 myń adam qaıtys boldy.
Bul jumysty jergilikti atqarýshy organdar buryn tıisinshe júrgizbegeniniń aıǵaǵy.
Búgingi tańda ákimdikter Mınıstrlikpen birlesip osy baǵytta jumys isteı bastady. Aǵymdaǵy jyldyń 1 tamyzynan bastap qazirgi ýaqytqa deıin kezekten 21 607 azamat alyndy (UOS ardagerleri-5, jetim balalar – 1045, kópbalaly otbasylar – 3539, HÁOT – 7936, memlekettik qyzmetshiler men búdjetshiler – 9002, avarıalyq turǵyn úıi bar azamattar-80.).
Sondaı-aq, plenarlyq otyrystyń aıasynda mınıstr kezekte turǵandardyń jalpy sanynan, ıaǵnı 646 myń azamattyń tek 250 myńy halyqtyń áleýmettik osal toptarynyń ókilderi bolyp tabylatynyn habarlady. Mınıstr kezekte turǵandardy turǵyn úımen qamtamasyz etý jónindegi problemanyń bar ekenin mınıstrlik moıyndaıtynyn jáne qolda bar búdjet qarajatynyń barynsha tıimdi bólinýin qamtamasyz etý úshin jumys istep jatqanyn atap ótti.