Túrksib aýdanynda tártipti qamtamasyz etýmen aınalysatyn “Býran-314” patrúldik ekıpajy Vıláms kóshesindegi úıdiń shatyrynyń astynan tútin shyǵyp jatqanyn baıqaǵan.
Radıostansıa arqyly órt týraly dabyldy jedel kezekshige jetkizip, patrúldik qyzmetkerler N.Manas pen N.Qulman kómekke umtyldy. Olar úıde adamdar bolýy múmkin dep oılady.
«Tártip saqshylary qolda bar quraldarmen órtti ózderi óshirmek bolǵan. Polısıa qyzmetkerleri órt sóndirý tehnıkasynyń úıge kedergisiz kirýin qamtamasyz etý úshin kólikterdi basqa jaqqa bura bastady. Nátıjesinde “101” qyzmeti órtti oqshaýlady. Abyroı bolǵanda, zardap shekkender men qurbandar joq», – deıdi Túrksib aýdandyq polısıa basqarmasynyń bastyǵy Erkin Amantaev.