Almaty polıseıleri men eriktileri 100-den astam esirtki jarnamalaryn joıdy.
Aýdandyq polısıa basqarmasynda polısıanyń qoǵamdyq kómekshileri, “Amanat” partıasy men Medeý aýdany ákimdiginiń kezekti jıyny ótti, dep habarlaıdy Almaty-akshamy.kz Polisia.kz-ke silteme jasap.
«Maqsat – esirtkini satýǵa jáne qoldanýǵa yqpal etetin jazýlardy joıý. Bul naýqannyń bastalýy ony júzege asyrýǵa tartylǵan kúshter men quraldardyń birtutas saptúzeýinde berildi. 20 erikti polısıanyń ýchaskelik ınspektorlarymen birge mobıldi toptarǵa bólinip, osy qylmystyq jarnamalar jıi kezdesetin eldi mekenderge attandy. Biz aldyn ala graffıtı jazýlarynyń ornalasýyna taldaý jasadyq. Osy jerden baǵytymyzdy ázirledik. Úılestirilgen jáne ujymdyq jumys 100-den astam jazýdy boıaýǵa múmkindik berdi», – deıdi Medeý aýdandyq polısıa basqarmasynyń bastyǵy İlıas Ómirserikov.
Sonymen qatar “Quqyqtyq tártip” is-sharasyna oraılastyrylǵan aqparattyq-túsindirý jumystary barysynda polıseıler Qazaq ulttyq agrarlyq zertteý ýnıversıtetiniń stýdentterimen kezdesý ótkizdi.