Almatyda «Jumys isteıtin jastarǵa satyp alý quqyǵynsyz jalǵa beriletin turǵyn úı» baǵdarlamasy aıasynda ótinishterdi qabyldaý bastalady
2023 jylǵy 11-15 jeltoqsan aralyǵynda Almaty qalasynyń komýnaldyq ınfraqurylymdy damytý basqarmasy «Jumys isteıtin jastar úshin satyp alý quqyǵynsyz jalǵa beriletin turǵyn úı» baǵdarlamasy (budan ári – Baǵdarlama) aıasynda Almaty qalasynyń jumys isteıtin, 35 jasqa deıingi jastarynan ótinishter men qujattardy qabyldaıtyn bolady.
Ótinish pen qujattar www.kezekte.kz saıty arqyly qabyldanady. Saıtta avtorızasıa «Azamattarǵa arnalǵan úkimet» memlekettik korporasıasy» KE AQ (HQKO) fılıalynan alýǵa bolatyn elektrondy-sıfrlyq qoltańba (ESQ) arqyly ótedi.
Satyp alý quqyǵynsyz jalǵa beriletin turǵyn úı 3 jyl merzimge beriledi. Jalpy sany – Naýryzbaı aýdanynda 2 100 páter.
Baǵdarlamaǵa qatysýǵa qoıylatyn negizgi talaptar:
‒ 35 (otyz bes) jasqa tolmaǵan, jalpy bilim beretin mektepterdiń jáne (nemese) tehnıkalyq jáne kásiptik jáne (nemese) orta jáne (nemese) joǵary jáne (nemese) joǵary oqý ornynan keıingi bilim berý uıymdarynyń bilim berý oqý baǵdarlamalaryn meńgergen jáne eńbek qyzmetin júzege asyratyn Qazaqstan Respýblıkasynyń azamattary;
- Almaty qalasynda turǵylyqty jeri boıynsha 3 (úsh) jyldan kem emes turaqty tirkeýdi rastaý (osy qalada turǵyn úı satyp alýǵa úmitkerler úshin);
- Almaty qalasynda 14 jastan asqan ótinish berýshiniń otbasy músheleriniń (jubaıy jáne bolǵan jaǵdaıda balalary) turaqty tirkelýi;
- ótinish berýshiniń, jubaıynyń (zaıybynyń), kámeletke tolmaǵan balalarynyń ótinish berýdiń aldyndaǵy 5 (bes) jyl ishinde menshik quqyǵynda, jaldaý quqyǵymen nemese satyp alý quqyǵynsyz jalǵa beriletin turǵyn úıdiń joqtyǵyn rastaý (jergilikti atqarýshy organnyń tıisti anyqtamasymen rastalatyn apatty jaǵdaıdaǵy, qulaý qaýpi bar turǵyn úılerdi qospaǵanda);
- sońǵy alty aıda keminde 40 (qyryq) aılyq eseptik kórsetkish (2023 jylǵa – 138 myń teńge) mólsherinen kem emes aı saıynǵy tabystyń bolýy;
- banktik jınaq shotynda 40 (qyryq) aılyq eseptik kórsetkish (2023 jylǵa – 138 myń teńge) mólsherinen kem emes qaldyq bolýy.
Qatysýshylardy irikteý baldyq júıe negizinde (eń kóp bal sany boıynsha) júrgiziledi. Bal berý krıterııleri, sondaı-aq qajetti qujattar tizimi joǵaryda kórsetilgen saıtta ornalastyrylǵan.
Ótinish pen qujattardy tapsyrǵannan keıin Baǵdarlamaǵa qatysýshylar joǵaryda kórsetilgen saıttaǵy jeke kabıneti arqyly berilgen ótinishtiń nátıjesin derbes baqylaıdy.
Telefondar boıynsha anyqtamalar: +7(727)2251452, +7(727)2251437.