Túrksib aýdanynyń Baıron, Tbılısskaıa jáne Baımaǵambetov kóshelerinde jaıaý júrginshiler aımaqtarynyń qurylysy aıaqtaldy. Kópirlerdiń jalpy uzyndyǵy shamamen 1000 metr.
Úsh ýchaskeni turǵyndar buryn abattandyrylmaǵan joldar retinde paıdalanǵan.
«Halyq qatysatyn búdjet» baǵdarlamasy aıasynda jaıaý júrginshiler joldary salyndy, kóshe jaryqtandyrý jelileri, baspaldaqtar ornatyldy, múmkindigi shekteýli azamattar úshin qolaıly jaǵdaı qarastyryldy.
Ákimdikte «Halyq qatysatyn búdjet» baǵdarlamasyn iske asyrý boıynsha jumystar jalǵasyp jatyr. Bıyl Túrksib aýdany úshin 78 jobany júzege asyrýǵa 1,6 mlrd teńge bólindi. Búginde aýlalardy jaryqtandyrýdy, oıyn alańdaryn salýdy, tereńdetilgen qoqys konteınerlerin ornatýdy jáne jaıaý júrginshiler kópirlerin jóndeýdi qosa alǵanda 61 nysan aıaqtaldy. Jyl sońyna deıin balalar alańdaryn salýdy, jaıaý júrginshiler kópirlerin jóndeýdi jáne jaıaý júrginshiler-serýendeý aımaqtaryn jaılastyrýdy qosqanda taǵy 17 jobany aıaqtaý josparǵa engen.
