5 jeltoqsan – volonterlerdiń qoǵamdaǵy mańyzdy rólin, muqtaj jandarǵa kómektesýdegi janqıarlyq úlesin, túrli qaıyrymdylyq, áleýmettik bastamalardy taný jáne qoldaý maqsatynda uıymdastyrylǵan Halyqaralyq volonterlar kúni, dep habarlaıdy almaty-akshamy.kz.
Ekonomıkalyq jáne áleýmettik damý úshin halyqaralyq eriktiler kúni 1985 jyly BUU Bas Assambleıasynyń 40-shy sesıasynda bekitilgen.
"Eriktilik - búkil álem boıynsha áleýmettik, ekonomıkalyq jáne ekologıalyq máselelerdi sheshýge arnalǵan úlken, jańartylatyn resýrs. Álem ósip kele jatqan qıyndyqtarǵa kezikkende, eriktiler jıi kómekke birinshi bolyp keledi. Eriktiler daǵdarystar men tótenshe jaǵdaılarmen kúresýdiń aldyńǵy qatarynda, kóbinese óte kúrdeli jáne qıyn jaǵdaılarda birinshi úlek qosady", - delingen BUU saıtynda.
Halyqaralyq volonterlar kúnine arnalǵan is-sharalar qaıyrymdylyq sharalaryn, volonterlik jobalardy, konferensıalardy, semınarlardy jáne búkil álem boıynsha eriktilerdi qoldaýǵa jáne tanýǵa baǵyttalǵan basqa da is-sharalardy qamtýy múmkin. Bul kún ádette volonterlik qundylyqtardy jáne onyń ártúrli qaýymdastyqtardaǵy ómir sapasyn jaqsartýǵa áserin kórsetedi.
Óz quttyqtaýynda QR Tótenshe jaǵdaılar mınıstrliginiń basshysy Syrym Sháriphanov búgingi tańda mınıstrlik respýblıka boıynsha 130-dan astam volonterlik uıymmen ózara árekettesetinin atap ótti.
"Tótenshe jaǵdaılar mınıstrligi meıirimdiligińiz, qamqorlyǵyńyz, jedel áreketińiz jáne tótenshe jaǵdaılardyń aldyn alý jáne olardyń zardaptaryn joıýǵa qosqan baǵa jetpes úlesińiz úshin alǵys pen rızashylyǵyn bildiredi.Sizderge shyn júrekten densaýlyq, sarqylmas shyǵarmashylyq qýat, baqyt jáne eldegi paıdaly eńbekterińizge tabys tileımin" – dep jazdy Tótenshe jaǵdaılar mınıstri.
IýNISEF Qazaqstanda onyń volonterlik qozǵalysy 10 myń adamdy quraıtynyn atap ótti.
Mektep oqýshylary, stýdentter, jas mamandar IýNISEF baǵdarlamalarynyń kómegimen balalardyń ártúrli máseleler boıynsha habardarlyǵyn arttyrady, is-sharalarǵa qatysady, bilim alady jáne damyp keledi.