Eks-mınıstr Erlan Turǵymbaev bıligin asyra paıdalandy degen kúdikke ilindi
Erlan Turǵymbaev 2022 jylǵy qańtar oqıǵasyna qatysty qylmystyq is boıynsha kúdikti dep tanylýda, dep habarlaıdy almaty-akshamy.kz. Oǵan 361-baptyń 1-bóligi (laýazymdylyq ókilettikterin asyra paıdalaný) boıynsha is qozǵalǵan. Alaıda onyń isin 362-bap boıynsha ıaǵnı, ókilettikti asyra paıdalanǵany úshin qýdalaýy yqtımal.
Qantar oqıǵasyna baılanysty tergeýdiń ekinshi kezeńi bastaldy. Tergeýge burynǵy İshki ister mınıstrinen basqa Taldyqorǵan qalalyq polısıasynyń burynǵy bastyǵy Asqar Nursapa, Qarasaı aýdandyq polısıasynyń burynǵy bastyǵy Bolat Totybaev sekildi birqatar laýazymdy tulǵalar ilikken.
Bas prokýratýra barlyq oblystar men aýdandardyń, qalalardyń prokýratýralaryna 2022 jyldyń qańtarynda oryn alǵan jaǵdaıǵa baılanysty barlyq oblystardyń, aýdandardyń jáne qalalardyń polısıa bastyqtarynan jaýap alý týraly buıryq bergen.
Turǵymbaev 2019 jylǵy aqpan aıynda İshki ister mınıstri bolyp taǵaıyndalyp, 2022 jylǵy aqpanda otstavkaǵa ketti. Budan ári Prezıdent keńesshisi, SHYU-nyń Óńirlik terorızmge qarsy qurylymy janyndaǵy Qazaqstannyń turaqty ókili bolyp taǵaıyndalǵan.