Fılosofıa, saıasattaný jáne dintaný ınstıtýtynyń qabyrǵasynda qazirgi Qazaqstandaǵy konstıtýsıalyq reforma jáne saılaý prosesi máselelerine arnalǵan ǵylymı-praktıkalyq konferensıa ótti.
Jıynǵa «Strategıa» áleýmettik jáne saıası zertteýler ortalyǵy» QQ basshysy, áleýmettaný ǵylymynyń kandıdaty Gúlmıra Toqshalyqqyzy, IFPR saıası zertteýler ortalyǵynyń dırektory, fılosofıa ǵylymynyń kandıdaty Aıdar Moldashuly, fılosofıa ǵylymynyń doktory, profesor Serik Nurmuratov, t.b. ǵalymdar men áleýmettanýshylar qatysyp, aldaǵy saıası naýqan aldynda oı bólisti.
«Qazaqstanda 1989 jyldan 2022 jylǵa deıin ótken birneshe saılaý naýqandary men referendýmdardyń tájirıbesi (1995 jylǵy 29 sáýir, 30 tamyz, 2022 jylǵy 5 maýsym) eldegi saılaý prosesteriniń saılaý týraly zańnamanyń yqpalymen ǵana emes, sondaı-aq qalyptasqan saıası mádenıet normalarymen, atap aıtqanda saıası qatysý jáne saılaý mádenıeti sekildi ózindik erekshelikteri bar ekenin kórsetti», – deıdi jıynǵa qatysqan mamandar.
Saılaý ınstıtýtynyń Konstıtýsıalyq quqyqta kórinis tapqan jáne konstıtýsıalyq reformalar prosesinde eskerý qajet arnaıy fýnksıalary bar.