2024-2026 jyldarǵa arnalǵan búdjet jobasynda Tuńǵysh Prezıdent keńsesin qarjylandyrý týraly aqparat joq.
Tuńǵysh Prezıdent Keńsesiniń shyǵyndary búdjet jobasynan alyndy, dep habarlaıdy Almaty-akshamy.kz
Jyl saıyn Elbasy keńsesine mıllıardtaǵan teńge bólinetin edi. Mysaly, 2023-2025 jyldarǵa arnalǵan búdjet jobasynda keńseni qarjylandyrýǵa barlyǵy 5,6 mıllıard teńge baǵyttalǵan: 2023 jylǵa - 1,6 mıllıard teńge, 2024 jylǵa - 1,9 mıllıard teńge jáne 2025 jylǵa - 2,1 mıllıard teńge.
Normatıvtik-quqyqtyq aktiler saıtynda jarıalanǵan úsh jyldyq búdjettiń jańa jobasynda bul qanjylandyrý týraly aqparat joq.
Esterińizge sala keteıik, bıyl naýryzda qarjy vıse-mınıstri Dáýren Temirbekov búdjetti naqtylaý sheńberinde keńsege jumsalatyn shyǵynnyń qysqaratyny týraly aıtqan edi. Al, maýsymda mınıstr Erulan Jamaýbaev keńse jumysyn toqtatady dep málimdedi.
"Qazir keńseni qaıta qurylymdaý júrip jatyr. Adamdardyń bir bóligi basqa uıymdarǵa aýystyrylyp, qalǵany jumystan bosatylady. Keńse jumysyn toqtatady. Ol qaıta qurylymdalyp jatyr. Bir jarym aı ishinde másele sheshiledi dep oılaımyn", - dedi Jamaýbaev.
2024-2026 jyldarǵa arnalǵan respýblıkalyq búdjet jobasy 4 qyrkúıekke deıin ashyq talqylaýda bolady. Jobamen myna silteme arqyly tanysa alasyz.