Sınoptıkter Qazaqstandaǵy 24 tamyzǵa arnalǵan aýa raıy boljamyn usyndy, dep habarlaıdy Almaty-akshamy.kz.
«Qazgıdromet» RMK habarlaýynsha, elimizdiń basym bóliginde naızaǵaı oınap, jańbyr jaýady. Jel kúsheıedi. Burshaq jaýýy múmkin.
«Qazaqstannyń soltústiginde, soltústik-batysynda qatty jańbyr jaýady. Túnde jáne tańerteń tuman bolady. Respýblıkanyń ońtústiginde, ońtústik-batysynda shańdy daýyl bolýy múmkin», - dep habarlady sınoptıkter.
Astanada kóshpeli bult shyǵady, jańbyr jaýady, kún kúrkireıdi. Kúndiz burshaq jaýady dep boljandy. Ońtústik-batystan soǵatyn jel soltústikke aýysady. Onyń ekpini sekýndyna 9-14 metr, kúndiz 15-20 m/s. Aýa temperatýrasy túnde +17+19°S, kúndiz +22+24°S.
Almatyda kóshpeli bult shyǵady, jaýyn-shashynsyz. Ońtústik-batystan ekpini 2-7 metr bolatyn jel soǵady. Kúndiz ekpini - 12 m/s. Aýa temperatýrasy túnde +19+21°S, kúndiz +32+34°S.
Shymkentte kóshpeli bult shyǵady, jaýyn-shashynsyz. Batystan soǵatyn jel ekpini - 8-13 m/s. Aýa temperatýrasy túnde +20+22°S, kúndiz +35+37°S.