Almatyda 14 naýryz kúni saǵat 15:30-dan 15 naýryz saǵat 5:00-ke deıin qalyńdyǵy 15 sm qar jaýdy, dep habarlaıdy almaty-akshamy.kz
Túngi ýaqytta 367 birlik tehnıka jáne 171 jumysshy qar kúreýge shyqty.
148 qum taratqysh arqyly kóktaıǵaqqa qarsy materıaldar sebildi. Saǵat 07:00-degi jaǵdaı boıynsha 1193 tonna qoldanylady.
Saǵat 20:30-dan 06:00-ge deıin jol patrúldik polısıa kóliginiń erip júrýimen 16 baǵan qar kúredi.
Saǵat 07:00-degi jaǵdaı boıynsha 520 m3, al qys boıy 367,8 myń m3 qar shyǵaryldy. Tańǵy "qarbalas sátten" keıin qar shyǵarý jumystary jalǵasady.
Shaǵyn kólemdi 160 trotýar tehnıkasymen trotýarlar men jalpy aımaqtar tazartylyp jatyr.
Áleýmettik mańyzdy nysandarǵa kireberister, qoǵamdyq kólik aıaldamalary jáne jer ústi jaıaý júrginshiler ótkelderi kúrelip jatyr.
Saǵat 08.00-den bastap 394 arnaıy tehnıka, onyń ishinde 145 qum taratqysh, 169 trotýardaǵy qardy kúreıtin tehnıka men 602 jumysshy jumyldyrý josparlanǵan.
"Qazgıdromet" RMK boljaýynsha, kúndiz aýa temperatýrasy 0-… +2 gradýs aralyǵynda, jaýyn-shashyn túspeıdi.
Almaty qalasy komýnaldyq ınfraqurylymdy damytý basqarmasy