«Qazgıdromet» RMK sınoptıkteri búgin, 15 naýryzda eldiń 12 óńirinde qolaısyz aýa raıyna baılanysty eskertý jasady, dep habarlaıdy almaty-akshamy.kz.
Atyraý oblysynyń ońtústiginde shańdy daýyl. Ońtústik-shyǵystan jel soǵady, kúndiz oblystyń batysynda, ońtústiginde ekpini sekýndyna 15-20 metrge jetedi.
Qaraǵandy oblysynyń soltústiginde, shyǵysynda burqasyn. Batystan, ońtústik-batystan soǵatyn jeldiń ekpini oblystyń soltústiginde, shyǵysynda sekýndyna 15-20 metrge jetedi.
Soltústik Qazaqstan oblysynda qar jaýady. Túnde oblystyń soltústiginde, batysynda, ońtústiginde, kúndiz oblystyń soltústiginde, shyǵysynda, ońtústiginde jaıaý burqasyn soǵady. Kúndiz oblystyń soltústiginde, shyǵysynda, ońtústiginde kóktaıǵaq bolady. Ońtústik-batystan jel soǵady, túnde oblystyń soltústiginde, batysynda, ońtústiginde, kúndiz oblystyń soltústiginde, shyǵysynda, ońtústiginde ekpini 15-20 m/s bolady.
Pavlodar oblysynda jaıaý burqasyn. Ońtústik-batystan jel soǵady, kúndiz oblystyń batysynda, ońtústiginde ekpini – 15-20 m/s.
Mańǵystaý oblysynyń ońtústiginde, batysynda, shyǵysynda shańdy daýyl. Ońtústik-shyǵystan jel soǵady, túnde oblystyń ońtústiginde, batysynda, ortalyǵynda ekpini 15-20 m/s, kúndiz 15-20, oblystyń ońtústiginde, ortalyǵynda keı ýaqytta ekpini 23 m/s bolady.
Aqmola oblysynda jaıaý burqasyn. Ońtústik-batystan jel soǵady, oblystyń soltústiginde, shyǵysynda ekpini 15-20 m/s bolady.
Qostanaı oblysynyń soltústiginde, shyǵysynda jaıaý burqasyn, kúndiz kóktaıǵaq. Oblystyń ońtústiginde tuman túsedi. Ońtústik-batystan, batystan jel soǵady, oblystyń batysynda, shyǵysynda ekpini 15-20 m/s bolady.
Jetisý oblysynyń taýly aýdandarynda keı ýaqytta qalyń qar jaýady. Túnde jáne tańerteń taýly aýdandarynda tuman. Soltústik-shyǵystan jel soǵady, oblystyń shyǵysynda, taýly aýdandarynda ekpini sekýndyna 15-20, Alakól kólderi aýdanynda keı ýaqyttarda 23-28 metrge jetedi.
Aqtóbe oblysynyń soltústiginde, batysynda, ortalyǵynda tuman túsedi.
Batys Qazaqstan oblysynyń soltústiginde, shyǵysynda tuman túsedi.
Túrkistan oblysynyń ońtústiginde, taýly jáne taý bókterli aýdandarynda tuman.
Shymkentte túnde tuman túsedi.