Túmen oblysynda sheteldegi qazaqtardyń quryltaıy ótti.
Oǵan Reseıdiń túkpir-túkpirinen 17 myńnan astam adam qatysty, dep habarlaıdy Almaty-akshamy.kz Qazaqstan.tv-ǵa silteme jasap.
Shaǵyn quryltaı Túmen oblysynda 1997 jyldan beri jyl saıyn uıymdastyrylyp turady. Al mundaı aýqymdy jıyn bıyl alǵash ret ótkizilip otyr.
Shettegi qazaqtar úshin quryltaı basty merekelerdiń biri. Jyl saıyn Túmen oblysynda qandastarymyz bas qosyp, ózekti máselelerdi talqylaıtyn. Bıyl sharanyń mańyzy arta tústi. Jıynda ótken bes jylǵa esep berilip, keleshekke jospar bekitildi.
«Óz tarıhı Otanymyzdy eshqashan umytpaımyz. Óz dástúrimizdi, tilimizdi saqtap, óskeleń urpaqtyń boıyna sińirip kelemiz. Mádenı-gýmanıtarlyq jobalardan bólek, ekijaqty ekonomıkanyń damýy úshin de túrli jobalardy qolǵa aldyq», - Túmen qazaqtary Ulttyq mádenı avtonomıasynyń tóraǵasy Esenǵalı Ybyraev.
Jalpy Túmen oblysynda 150-den astam ult ókili turady. Munda sońǵy jyldary qazaqtardyń sany úsh ese ósken. Iaǵnı 18 myńnan 39 myń adamǵa jetti. Óńirde qazaq mádenı ortalyqtary jumysyn jandandyrýda. Sondaı-aq qazaq tili úıirmeleriniń sanyn arttyrý jaıy da josparda.
Quryltaı aıasynda Túmende 15 kıiz úı tigilip, aq dastarhan jaıyldy. Ulttyq kıimder men zergerlik buıymdar kóptiń qyzyǵýshylyǵyna ıe boldy. At jarysy, kúres, gir kóterý sıaqty sporttyq oıyndar da kil myqtylar anyqtaldy.