Qazaqstan musylmandar dinı basqarmasy budan bylaı beıit basyna záýlim saraı salyp, marqum úshin úlken jerdi alýǵa tyıym salmaq.
Basqarma janynan ashylǵan Qamqor-SHapaǵat ortalyǵy birneshe oblystyń máslıhatyna osyndaı usynys joldady. Eger depýtattar qoldasa, 20 aımaqtaǵy zırat zańdylyǵy ózgeredi, dep habarlaıdy Almaty-akshamy.kz. Astanatv.kz-ke silteme jasap.
"Qabirge jerlengen kisiniń kim ekenin aıqyndaý maqsatynda jáne júrginshiler tarapynan taptalyp, aıaq asty bolmaýy úshin oǵan shaǵyn belgi qoıýǵa ruqsat. Qulpytas bıiktigi 1 metr, eni 50 santımetrden aspaýǵa tıis. Qulpytasqa marqumnyń aty-jóni, týǵan jyly men qaıtys bolǵan ýaqyty jazylsa jetkilikti. Qulpytasqa marqumnyń sýretin qoıýǵa ruqsat etilmeıdi", – deıdi "Qamqor-shapaǵat" ortalyǵynyń dırektory Meırambek Qabybekuly.
Al qulpytas jasaıtyn sheberler bolsa, tutynýshylar tańdaýynda shek joq deıdi. Olardyń aıtýynsha, beıit basyna belgi qoıý úshin adamdar 7 mıllıon teńgege deıin tapsyrys bergen.
"15-20 myń teńgeden bastap kete beredi. 500, 600 myń, 1 mıllıon teńgege deıin kete beredi. Osy ýaqytqa deıin 1,5-2 mıllıonǵa deıin alǵandar boldy jalǵyz tastyń ózin. 7 mıllıonǵa deıin de qoıyp jatyrmyz. Granıt-mramor bolyp bólinedi. Qazirgi tańda granıt qatty suranysqa ıe", – deıdi qulpytas sheberi Ábilhan Amanturdıev.
El azamattarynyń aıtýynsha, mazarǵa bıik qorshaý qajet. áıtpese beıitti qańǵyǵan mal basyp ketýi múmkin.
Al din ókilderi beıitti ásepttegennen marqumǵa kelip-keter paıda joǵyn aıtady. Olardyń aıtýynsha, sol qarjyǵa jetim-jesirge kómek bergen áldeqaıda abzal.