Bir ǵana emhanaǵa kúnine 200-ge jýyq naýqas densaýlyǵyna qatysty shaǵym aıtyp keledi.
Almatyda sońǵy ýaqytta tumaý órship tur. Megapolıstegi bir ǵana emhananyń ózine kúnine 200-ge jýyq naýqas densaýlyǵyna qatysty shaǵym aıtyp keledi eken. Dárigerler mundaı jaǵdaıda úıde emdelmeı, maman keńesine júginý keregin eskertedi.
«Almaty qalasy boıynsha jedel respıratorly vırýstyq ınfeksıanyń taralaýyna jeke jáne qoǵamdyq gıgenalyq talaptardy saqtamaýynan bolyp otyr. Barlyq adam ekpeni alý kerek. Sol kezde taralý qaýipi az bolady», – dedi qalalyq №4 emhananyń terapevt dárigeri Nursulý Ortaeva.
Emhanaǵa densaýlyǵyna shaǵym aıtyp eresektermen birge balalar da kóp keledi.
«Qazir jedel respıratorly vırýstyq ınfeksıamen úlkender de, balalar da aýyrady. Iaǵnı temperatýra kóterilse, eń aldymen, oqshaýlanýyńyz kerek. Bul vırýstyń aldyn alýǵa múmkindik beredi. Basqa adamdarǵa juqtyrmaý úshin, túshkirgen kezde aýyzdy oramalmen jabý kerek», – dedi qalalyq №4 emhananyń terapevt dárigeri Nursulý Ortaeva.