Sot úkimi áli kúshine engen joq
Búgin Batys Qazaqstan oblysyndaǵy «Kýbleı» zaýyty men Oral qalalyq ákimdigi arasyndaǵy sot prosesine núkte qoıyldy. Úkimdi ekonomıkalyq sot sýdıasy Bahtıer Jýrabaev oqydy, dep habarlaıdy Almaty-akshamy.kz Almaty.tv-ge silteme jasap.
Konserv zaýyty men qurylys kompanıasynyń arasyndaǵy daýǵa eki jylǵa jýyq ýaqyt boldy. Búgin sottyń sońǵy sheshimi merdiger mekemesiniń paıdasyna sheshildi. Osy ýaqyt ishinde sot materıaldary 13 tomǵa jetken. Solardyń 9 tomy «Kýbleı» zaýytynan túsken dáleldemelik qujat eken. Ekonomıkalyq sottyń ózara ymyraǵa kelý týraly sheshimimen kelispegen konserv zaýytynyń ókilderi Úkimetke hat joldapty. Birazǵa sozylǵan daýǵa «Irmenov» jeke kásipkerligi salǵan kóp qabatty úılerdiń qurylysy sebep boldy. Konserv zaýyty ókilderiniń aıtýynsha, úıler óndiris ornyna tym jaqyn salynǵan. Sýdıa Jorabaev atap ótkendeı, "Kýbleı" jumysyn toqtatpaıdy, olardyń jumysyna eshqandaı kedergi joq. Sot úkimi áli kúshine engen joq.
«Osy kezge deıingi sot sheshimi kúshin joısyn. Turǵyndar óz úılerinde qalady. Olardyń arasynda densaýlyǵynda kináraty barlar, osy ýaqytqa deıingi aralyqta páter alǵan otbasy da bolǵan. Sonymen qatar «Kýbleı» zaýytynyń jumysy toqtap qalady deýge esh negiz joq. Óndiris oshaǵy burynǵysha jumysyn jalǵastyrady», – dedi BQO mamandandyrylǵan aýdanaralyq ekonomıkalyq sotynyń sýdıasy Bahtıer Jýrabaev.