Elimizdiń 12 óńirine daýyldy eskertý jarıalandy.
Sınoptıkter búgin Qazaqstannyń 12 oblysyna daýyldy eskertý jarıalady, dep habarlaıdy aqshamnews.kz "Qazgıdromet"-ke silteme jasap.
Túnde jáne tańerteń Ulytaý oblysynyń batysynda, soltústiginde, shyǵysynda tuman túsedi dep kútiledi.
Túnde jáne tańerteń Batys Qazaqstan oblysynyń soltústiginde, shyǵysynda, sondaı-aq ortalyǵy - Oralda tuman bolady dep kútiledi.
Qaraǵandy oblysynyń shyǵysynda kóktaıǵaq bolady dep kútiledi. Túnde jáne tańerteń oblystyń batysynda, ońtústiginde tuman bolady.
Kúndiz Túrkistan oblysynyń batysynda, ońtústiginde, taýly jáne taý bókterli aýdandarynda naızaǵaı oınap, kún raıy buzylady dep kútiledi. Tańerteń jáne kúndiz oblystyń soltústiginde, batysynda, taýly jáne taý bókterli aýdandarynda soltústik-batystan soqqan jeldiń ekpini 15-20 m/s quraıdy. Shymkent pen Túrkistan qalalarynda da kúndiz naızaǵaı oınap, soltústik-batystan jel soǵady, kúndizgi ekpini - 15-20 m/s.
Túnde jáne tańerteń Astanada tuman bolady dep kútiledi. Túnde Aqmola oblysynyń batysynda, ońtústiginde, shyǵysynda kóktaıǵaq bolatyny boljanady. Túnde jáne tańerteń oblystyń batysynda, soltústiginde, shyǵysynda, sondaı-aq Kókshetaý qalasynda da tuman bolady.
Túnde jáne tańerteń Atyraý oblysynyń batysynda, ońtústiginde, sondaı-aq Atyraý qalasynda da tuman túsedi dep kútiledi.
Túnde jáne tańerteń Qostanaı oblysynyń soltústiginde tuman bolady.
Soltústik Qazaqstan oblysynyń ońtústiginde kóktaıǵaq bolady dep boljanady. Oblystyń batysynda, soltústiginde, shyǵysynda, sondaı-aq Petropavl qalasynda da túnde jáne tańerteń tuman bolady dep kútiledi.
Túnde jáne tańerteń Pavlodar oblysynyń batysynda, soltústiginde tuman, kóktaıǵaq bolady dep kútiledi. Pavlodarda da túnde jáne tańerteń tuman, kóktaıǵaq bolady.
Abaı oblysynda batysynda, ortalyǵynda ońtústik-shyǵystan ońtústik-batysqa oıysa soqqan jeldiń ekpini 15-20 m/s quraıdy.
Túnde Shyǵys Qazaqstan oblysynyń batysynda, soltústiginde, shyǵysynda kóktaıǵaq bolady dep kútiledi. Oblystyń soltústiginde, shyǵysynda ońtústik-shyǵystan, ońtústikten soqqan jeldiń ekpini 15-20 m/s quraıdy.
Kúndiz Almaty oblysynyń ortalyǵynda, shyǵysynda ońtústik-batystan jel soǵady, ekpini - 15-20 m/s. Qonaev qalasynda da ońtústik-batystan soqqan jeldiń ekpini 15-20 m/s quraıdy.