Joba 2025 jyldan bastap júzege asady.
Baǵdarlamaǵa sáıkes, bala týýdy josparlaǵan árbir áıel tekserýden ótýge mindettelmek, dep habarlaıdy aqshamnews.kz
Densaýlyq saqtaý mınıstrligi ana densaýlyǵy basqarmasynyń basshysy Shákızat Halyqova 2025 jyldan bastap Qazaqstanda 15 pen 49 jas aralyǵyndaǵy áıelder úshin arnaıy ázirlengen "Analar saýlyǵy" baǵdarlamasy bastalatynyn málimdedi. Onyń aıtýynsha, joba elimizdegi deni saý jáne josparly júktilik sanyn arttyrý úshin bala týýdy josparlap otyrǵan áıelderdi keshendi tekserýge baǵyttalǵan.
Baǵdarlamada júktilikti josparlaıtyn fertıldi jastaǵy barlyq áıelderdiń densaýlyq ındeksin anyqtaý úshin ýchaskelik dárigerlerdiń mindetti tekserýinen ótýi qarastyrylǵan. Qyzdar men jasóspirimderge erekshe kóńil bólinbek.
"Qaýipsiz júktilikti qamtamasyz etý úshin júktilikke deıin saýyqtyrý sharalaryn ótkizý usynylady, bul júktilikke deıingi daıyndyq dep atalady. Bul keshen densaýlyq jaǵdaıyn baǵalaýǵa jáne erli-zaıyptylardy júktilikke, deni saý bala týýǵa daıyndaýǵa baǵyttalǵan dıagnostıkalyq, profılaktıkalyq jáne emdik sharalardy qamtıdy",-dedi Halyqova.
Mınıstrlik ókili osy baǵdarlama aıasynda elimizdiń 20 óńirinde alǵash ret júktilikke daıyndyq boıynsha úılestirýshi mamandar oqytylyp, klınıkalyq tekserý hattamasy bekitilgenin atap ótti.
"Perınataldyq nátıjelerdi jaqsartý úshin árbir qyzdy erte jastan ana bolýǵa daıyndap, urpaqty bolý densaýlyǵyn nyǵaıtý qajet. Biz barlyq áıelderdi júktilikti josparlaýǵa, júkti bolmas buryn tekserýden ótýge jáne medısına mamandarynyń usynystaryn oryndaýǵa shaqyramyz", – dedi Shákızat Halyqova.
Baǵdarlama 8 negizgi baǵytty qamtıdy:
- Jasóspirimderdiń densaýlyǵyn saqtaý jáne ártúrli ınfeksıalardyń, sonyń ishinde jynystyq jolmen beriletin ınfeksıalardyń (JJBI) aldyn alýǵa baǵyttalǵan ádetterdi qalyptastyrý;
- Profılaktıkalyq tekserýler: fertıldi jastaǵy áıelder men qyzdardaǵy patologıalardy anyqtaý jáne olardy emdeý;
- "Erli-zaıyptylardyń densaýlyq pasporty" jobasy: nekege turǵanǵa deıin erikti profılaktıkalyq tekserýler júrgizý;
- Áıelderdi konsepsıaǵa deıingi daıyndaý jáne júktilik pen bosaný nátıjelerin jaqsartý;
- Júkti áıelderdi erte anyqtaý jáne sapaly kómek kórsetý;
- kontraseptıvtermen qamtamasyz etý;
- Áıelder men qyzdardyń densaýlyǵyn jaqsartý úshin jańa tehnologıalardy paıdalaný.
- Salaýatty ómir saltyn jáne urpaqty bolý densaýlyǵyn nasıhattaý.