Bıyl «Jumysshy mamandyqtar jyly» bolyp jarıalandy. Bul – elimizdegi eńbek naryǵyn damytýǵa, suranysqa ıe mamandyqtardy dáripteýge jáne jastardy jumyspen qamtýǵa baǵyttalǵan mańyzdy qadam. Osyǵan oraı, elimizdiń ár aımaǵynda túrli is-sharalar uıymdastyrylyp jatyr.
Bizdiń bastamamyzdy Almaty qalasynyń Bilim jáne Jumyspen qamtý basqarmalary qoldap, Prıntmedıa tehnologıalar kolejimen birlesip, 40 jumys berýshini shaqyrdyq. Olar 108 bos jumys ornyn, jalpy 538 vakansıany usynyp otyr. Bul – jastar úshin, ásirese bıyl oqýyn aıaqtaǵan túlekter úshin úlken múmkindik.
Qazirgi tańda medısına men bilim berý – eń tapshy mamandyqtardyń qatarynda. Sol sebepti, osy salalarǵa erekshe nazar aýdaryp otyrmyz. Búgingi jármeńkede óndiris, qyzmet kórsetý, medısına jáne bilim berý salalary boıynsha kóptegen jumys usynyldy. Bul jármeńke alǵash ret uıymdastyrylǵanymen, biz mundaı kezdesýlerdi turaqty túrde ótkizýdi josparlap otyrmyz.
Aldaǵy ýaqytta ashyq esik kúnderin uıymdastyryp, joǵary oqý oryndary men kolejderde kezdesýler ótkizýdi kózdep otyrmyz. Bul arqyly stýdentter men túlekter jumys berýshilermen tikeleı tanysyp, eńbek naryǵyndaǵy suranystardy jaqsy túsine alady.