Bıyl 360 myńnan astam qazaqstandyq oqýshy altyn uıa mektebimen qosh aıtysqaly otyr
Oqý jylynyń aıaqtalýyna da sanaýly apta qaldy. Bıyl 360 myńnan astam qazaqstandyq oqýshy altyn uıa mektebimen qosh aıtysqaly otyr. Talapkerler aldaǵy testileýde qandaı mamandyqtardy tańdaǵan? Memlekettik grant ıegeri ataný úshin olardyń qandaı salaǵa barǵany durys? Basymdyq qaı baǵytqa berilgen? Osy suraqtarǵa "Almaty" telearnasynyń stýdıa qonaǵy Ǵylym jáne joǵary bilim mınıstrligi komıteti tóraǵasynyń orynbasary Nurbek Saparqojaev jaýap beredi, dep habarlaıdy Almaty-akshamy.kz.
Onyń aıtýynsha, sońǵy 2-3 jylda pedagogıkalyq mamandyqtarǵa suranys óte joǵary. Memlekettiń muǵalimderge degen kózqarasyn ońdy tarapqa ózgerdi.
«Sońǵy jyldary muǵalimderdiń jalaqysy ósti. Osy mamandyqta oqıtyn stýdentterdiń shákirtaqysy kóbeıdi. Soǵan baılanysty qazir talapkerler muǵalim mamandyǵyn tańdaıdy. Odan bólek, tehnıkalyq mamandyqtar men ınjenerlerge suranys joǵary. Aqparattyq-tehnologıalyq mamandyqtarǵa kóp kóńil bóle bastady. Jyl saıyn UBT-nyń baly joǵarylaǵanyn aıtýǵa bolady», - dedi Saparqojaev.
Sondaı-aq ol mektep túlekteri tegin oqý múmkindigine ıe bolý úshin qaı salany tańdaǵany durys? Memlekettik grant qaı baǵytqa kóbirek bólinedi degen saýalǵa da jaýap berdi.
«Qazirgi tańda mektep muǵalimderi tapshy bolǵandyqtar, pedagogıkalyq mamandyqtar boıynsha grant sanyn kóbeıtip kelemiz. Bul konkýrstyń talabynyń joǵary bolǵanyna baılanysty. Naryqta buryn zańger men ekonomıs kerek bolsa, qazir tehnıkalyq ınjenerlik mamandyq qajet», - dedi ol.