Avtobýs reıske shyqpaǵandyqtan, ishinde jolaýshylar bolmady
Óskemen qalasynda avtobýs jer úıge soǵyldy, dep habarlaıdy Almaty-akshamy.kz.
SHQO Polısıa departamenti baspasóz qyzmetiniń málimetine súıensek, jol-kólik oqıǵasy Mırnyı kentindegi Mostovaıa kóshesinde bolǵan.
«Júrgizýshi avtobýsty mas kúıde tizgindegen. Sonyń saldarynan rúldi basqara almaı qalyp, jer úıge soǵyldy. Jol apaty saldarynan úı turǵyny jaraqat alyp, aýrýhanaǵa jetkizildi», - delingen aqparatta.
Belgili bolǵandaı, sol kúni avtobýs reıske shyqpaǵandyqtan, ishinde jolaýshylar bolmady.
«Qoǵamdyq kólik júrgizýshisine qatysty QR ÁQBtK-niń 608-babynyń 3-bóligimen ákimshilik hattama toltyryldy. Sot-medısınalyq saraptama taǵaıyndaldy», - delingen habarlamada.